SAN AGUSTIN, Romblon – Nabaril ng pulis ang isang lalaking may dalang gulok at karit na nanunugod at nangbabanta ng mga dumadaang motorista at sibilyan sa kalsada ng Barangay Cagbo-aya, San Agustin, Romblon nitong 6:30 ng umaga, Setyembre 15, 2021.
Kinilala ng San Agustin Municipal Police Station ang nabaril na suspek na si Arnold Monzales Manato, aka “Bunso”, 42 taong gulang, kilala na may diperensya sa pag-iisip sa kanilang barangay at residente ng Barangay Cabolutan, San Agustin, Romblon.
Sa ulat ng San Agustin MPS isang concerned citizen na alyas “Sadam” ang nagpaabot umano ng impormasyon tungkol sa isang alyas “Bunso” na may dalang gulok at karit sa magkabilang kamay ang naglalakad sa national road ng nasabing barangay kung saan ay nagwawala, nanunugod at nagbabanta umano itong managa ng mga dumadaang motorista at mga naglalakad na sibilyan.
Mabilis naman nagresponde ang mga tauhan ng San Agustin MPS na pinamunuan ni PEMS Rey Fetalco – DCOP kasama sina PSSg Rodel Mendoza at PSSg Adrian Famadulan at pagdating sa naturang lugar ay kanilang nakita na pinapayapa ni Roy Manipol, 54 taong gulang, empleyado ng gobyerno, ang nagwawalang suspek, ngunit sa halip na tumalima ito ay sinugod nito si Manipol. Dahil sa nagkitang panganib ay agad na kumilos ang mga awtoridaw na sina PEMS Fetalco at PSSG Mendoza at kanilang tinawag ang pansin ng suspek. Bumunot naman ng kanyang service firearm si PSSg Mendoza at pinaputukan ang suspek na tinamaan sa tiyan na kanila ring isinugos sa Tablas District Hospital para sa kaukulang lunas.
Samantala, pansamatalang inilagay si PPSg Mendoza sa kustodiya ng San Agustin MPS.
